schee woa s und haas

auxofna am foaradl
auf da oddagringaschdrossn
is knoerod in gsichd
und singd
          mei muatal woa r
          a weanarin...
 
auxofna am foaradl
geigld umadum
auf da oddagringaschdrossn
mochd de autofoara
narisch.
 
uii!!!
          do kumd de
          schdrossnbaun!
sixd d as ned!?!
bumsti!!!
          is scho
          z schbed...
foe mid da birn!
 
und jedsd
huggd a r do
ganz deschbarad
des radl is in oasch
ausm schedl rinnd des bluad
und de kiwarei
is aa scho do
auf da oddagringaschdrossn.