idülle

waun s in da nochd
zum schneim aufangd
waun de schdean
fon himö foen
gaunz laungsam
oes ob s fligaln heddn

waun da schnee si
auf de auto legd
zoat wia r a süwabapia
und de luft schmegd
a wia r a
pfefamindsbonbon

waun s d dann am nexdn tog
auf d schdrossn geesd
 – ganz zeidich in da frua –
wiasd seng:
dann is ollas
unhamlech schdüü
und nua ganz leise
heasd n hausmasda fluachn
beim schneeschaufön.